عندي لكم طريقة رائعة لعمل مكرونة مميزة و رائعة في التقديم
1 . قطعي 2 بصل و حمسيه مع شوية ثوم ثم حطي فوقه دجاج صدور مقطع صغير و حمسيه و حطي فوقه حوالي ثلاث ملاعق اكل صوص صويا و ملح و بزار و جزر مبشور.
2 . جيبي شعيرية اللي ملفوفة على شكل دوائر كنها اعشاش و حطيها في الماي المغلي على النار مع شوية ملح و زيت ( زي ماهي بدون تكسير ) و بعد حوالي خمس أو سبع دقايق شيليها بملقاط كبير بشويش بحيث ما تخربين شكلها و صفيها في الصينية .
3 . ضعي ملعقة أو ملعقتين من الدجاج فوق كل حبة مكرونة في وسطها .
4 . اخلطي علبة قشطة مع ثلاث ملاعق جبن سايل و يفضل كرافت لأنه مالح و صبيه فوق المكرونة حول الدجاج و غطي الصينية بقصدير و دخليها الفرن مدة ربع أو ثلث ساعة و بالهناء و العافية.
الأحد يوليو 03, 2011 2:02 am